Ku dallojnë të rinjtë në Shqipëri me ata në Serbi? Përplasen Harxhi dhe Muça

Gazetari Flogert Muca dhe zyrtarja e PD, Edith Harxhi debatuan në emisionin Now në Euronews Albania lidhur me Kongresin rinor të Partisë Socialiste të mbajtur disa ditë më parë dhe fjalimeve të disa të rinjve që u bënë virale në rrjet.

Sipas Harxhit këta të rinj ndryshojnë shumë nga të rinjtë e Serbisë që prej 1 muajin protestojnë kundër qeverisë së Vuçiç.

“Në radhë të parë protestat atje nuk drejtohen nga parti politike, por nga shoqëri civile apo individë. Shqiptarët janë mësuar të mos protestojnë vetë por që protestat t’i organizojnë partitë. Ka një muaj që nuk po e përçan dot Vuçiç protestën që është shtrirë në gjithë Serbinë, janë bashkuar dhe punonjës të mediave. Në Shqipëri, që nga armët kimike nuk kemi asnjë protestë të iniciuar nga rinia dhe të çuar deri në fund pa u përçarë nga politika. Këtu nuk ngrihen as qytetarët, as pensionistët”, tha Harxhi.

LEXONI GJITHASHTU:

• Reforma në drejtësi, Rama: Shqipëria nuk kishte një shtet të së drejtës, e solli PS
• Rama sulmon opozitën dhe partitë e reja, thirrja për emigrantët