Policia e Poliçanit ka arrestuar një 35-vjeçar që kultivonte dhe prodhonte kanabis me qëllim shitjen si dhe ushtronte dhunë ndaj bashkëjetueses së tij.
Specialistët për Hetimin e Krimeve në Stacionin e Policisë Poliçan në bashkëpunim me Seksionin për Hetimin e Narkotikëve në DVP Berat arrestuan në flagrancë shtetasin A. L., 35 vjeç, banues në Poliçan.
Arrestimi i tij u bë pasi shërbimet e Stacionit Policisë Poliçan, kishin siguruar informacione se ky shtetas ushtronte veprimtarinë e kundërligjshme të kultivimit dhe prodhimit të lëndës narkotike kanabis me qëllim shitjen e tij.
Gjithashtu, po nga informacionet e marra ky shtetas ushtronte dhe dhunë fizike ndaj bashkëjetueses së tij.
Në momentin e arrestimit gjatë kontrollit të banesës dhe në afërsi të saj, shërbimet e Policisë gjetën dhe sekuestruan në cilësinë e provës materiale 2.2 kg lëndë narkotike kanabis sativa.
LEXONI GJITHASHTU:
- Shpërndanin kanabis me doza, arrestohen 3 persona në Vlorë
- Rrëfimet ekskluzive: Na thirrën për sherebelë, na kapi policia si punëtore kanabisi
