Kur do arrihet paqja Kosovë-Serbi? Përgjigjia e analistit: Duhet nënshkrimi final

Analisti Nezir Kraki është shprehur se paqja finale mes Prishtinës dhe Beogradit do të vijë kur kjo e fundit të heqë dorë nga pretendimet territoriale në Kosovë.

Komentet Kraki i bëri në Euronews Albania, ku tha se është një rrugë e gjatë për të arritur deri atje, nëse Bashkimi Europian do të tërhiqet dhe nuk do të ushtrojë presion ndaj Serbisë.

Po ashtu ai tha se Kosova është ripozicionuar në mënyrë serioze në dialog dhe shtoi se është koha që Serbia ‘ta shpallë pavarësinë e Kosovës’.

“Ne na duhet si Kosovë ai vendimi apo nënshkrimi final, ku Serbia pranon të heqë dorë nga pretendimi i saj territorial mbi Kosovën. Është rrugë e gjatë nëse nuk i bëhet presion Serbisë. Rrugë shumë e gjatë nëse europianët tërhiqen dhe nuk i bëjnë presion Serbisë.

Europianët duhet ta kenë të qartë që Kosova dhe Serbia duhet të ndahen definitivisht. Siç edhe Kurti e ka thënë, është koha që Serbia ta shpallë pavarësinë. Kosova e ka bërë të vetën.

Kosova kishte pranuar në vitin 2013 dhe 2015 një version skandaloz të Asociacionit. Ripozicionimi i Kosovës në mënyrë serioze në dialog, bëri që edhe këmbëngulja e Kosovës në të drejtat e saj totalisht legjitime, nuk iu la shumë hapësirë diplomatëve serbë për taktikat e vjetra”, tha Kraki.

LEXONI GJITHASHTU:

• “Thaçi pa avokat”, Mehmetaj: E turpshme për qeverinë dhe Kosovën
• U tërhoqën nga mbrojtja, avokati: Kosova ka detyrim të financojë mbrojtjen e Thaçit