“Kurti nuk po lufton për Kryeministër”, Çejku: Kërkon ta shmangë “pataten e nxehtë”

Diplomati Arben Çejku ishte këtë të diel i ftuar në Euronews Albania për të komentuar zgjedhjet në Kosovë. Këtë të diel të 9 shkurtit 2025 qytetarët e Kosovës u janë drejtuar qendrave të votimit për të zgjedhur qeverinë dhe kryeministrin për 4 vitet e ardhshme.

Sipas Çejkut, Albin Kurti nuk po lufton domosdoshmërish për të qenë kryeministër, pasi sipas tij, Kurti mbase do dojë të “hedh pataten e nxehtë” te opozita, e të përgatitet për zgjedhjet e ardhshme.

“Zoti Kurti, mendoj se është i kënaqur me këtë rezultat për të pritur një moment tjetër, për tu hedhur në një fushatë tjetër duke përfshirë edhe presidentin e ardhshëm. Nuk besoj se zoti Kurti po lufton domosdo që të jetë kryeministër. Ai natyrisht do bëj përpjekjen e tij, por pastaj mund të hedhë pataten e nxehtë te opozita, e cila me këtë përqindje që ka do ketë përplasjet e veta. Mund të ketë përplasje të brendshme brenda LDK-së për lidershipin”,-tha Arben Çejku.

LEXONI GJITHASHTU:

• Zgjedhjet në Kosovë/ Bllokohet faqja e publikimit të rezultateve, reagon KQZ
• Numërohen 23% të kutive të votimit, Lëvizja Vetëvendosje rritet ndjeshëm, bie LDK