Kryeministri i Kosovës, Albin Kurti, i shoqëruar nga zëvendëskryeministri i parë, Besnik Bislimi, mirëpriti sot në takim përfaqësuesin Special të Gjermanisë për Ballkanin Perëndimor, Manuel Sarrazin.
Në takim u diskutua për procesin e pas-zgjedhjeve në katër komunat në veri të vendit, përfshirë këtu betimin dhe ditën e parë në punë të kryetarëve të zgjedhur.
“Kryeministri theksoi rëndësinë e respektimit të rezultateve të zgjedhjeve demokratike, duke shtuar se shkuarja e kryetarëve të komunës në zyrat e tyre të punës dhe ofrimi i shërbimeve bazike për qytetarë duhet të trajtohen si gjë normale”, bëhet e ditur në komunikatën e qeverisë.
Një ditë më parë pesë policë u lënduan dhe katër automjete u dëmtuar nga incidentet në veri të Kosovës për shkak të përplasjes së serbëve lokalë me policinë.
LEXONI GJITHASHTU:
- Kurti për situatën në Veri: Kuptojmë ndërkombëtarët, por po respektojmë Kushtetutën
- Kurti: Policia e Kosovës është angazhuar në veri, sipas detyrës zyrtare
