Kurti: T’i përmbahemi propozimit evropian, jo interesit të njërës palë

Kryeministri i Kosovës, Albin Kurti tha se nga takimi i 27 shkurtit me presidentin e Serbisë, Aleksandër Vuçiç, pret që të ketë diskutime mbi bazën e propozimit evropian, por tha se për gjërat e tjera nuk mund të flasë aktualisht.

“Pas ditës së hënë do të dimë më shumë se çka e ku”, tha ai pas një ngjarjeje në Prishtinë, shkruan REL.

I pyetur nëse në takimin e së hënës do të ketë diskutime për Asociacionin e komunave me shumicë serbe, Kurti tha se beson se duhet “t’i përmbahemi propozimit që kemi marrë, e jo interesit të njërës palë”.

Bashkimi Evropian ka thënë se temë e diskutimit në takimin e nivelit të lartë Kurti-Vuçiç do të jetë propozimi evropian për normalizimin e plotë të raporteve mes Kosovës dhe Serbisë.

Në pikën 10 të karakteristikave të propozimit evropian, të cilat Kurti i lexoi në Kuvendin e Kosovës më 13 shkurt, thuhet se “të gjitha marrëveshjet e Brukselit do të duhej të zbatoheshin nga palët”.

LEXONI GJITHASHTU

• Provokon artistja/ Pikturon Kurtin dhe Vuçiçin duke u puthur në buzë, mesazhi që jep
• “Sovraniteti i Kosovës nuk preket”| Presidenti Begaj takon Osmanin dhe Kurtin
• Deklarata e fortë e Zekës: Dyshime që VV vrau aktivistin, si e përdori Albin Kurti