Kurti: Unë jam student i Demaçit, Vuçiç i Sheshelit

Kryeministri i Kosovës, Albin Kurti ka deklaruar se është student politik i Adem Demaçit, ndërsa presidenti i Serbisë Vuçiç është student politik i Sheshelit.

Sipas tij, dialogut duhet t’i jepet shans, por këto janë dy vizionet e ballafaqimit dhe përplasjes mes tyre, shkruan KosovaPress.

“Aleksandar Vuçiç, presidenti i Serbisë sot, është student politik i Vojisllav Sheshelit. Ndërsa unë, si Kryeministër i Republikës së Kosovës, unë jam student politik i Adem Demaçit. Dhe ky ballafaqim, kjo përplasje ndërmjet Kryeministrit të Kosovës dhe presidentit të Serbisë, është në një mënyrë thelbësore, përplasje ndërmjet Adem Demaçit, atij vizioni dhe asaj trashëgimie dhe Vojisllav Sheshelit në anën tjetër. Andaj unë e pranoj që marrëveshja mes Kosovës dhe Serbisë nuk do të jetë e lehtë, por megjithatë mendoj që duhet t’i jepet shans dialogut dhe të shpresojmë e të punojmë për më mirë.”, tha ai në një intervistë për televizionin N1 të Bosnjës.

LEXONI GJITHASHTU:

• Rama: Serbia do jetë në samit, e kundërta do ishte katastrofë për Vuçiç
• “Jam i çmendur”;, Vuçiç nuk tërhiqet: Serbët;do vuajnë më terrorin e Kurtit