Kush duhet të dënohet për Bechettin? Kasmi: Përgjegjësia politike

Ish-zv/ministrja e Drejtësisë, Brikena Kasmi komentoi në emisionin Review në Euronews Albania vendimin e Arbitrazhit në lidhje me biznesmenit italian Francesco Becchetti, të cilit shteti shqiptar duhet t’i dëmshpërblejë një shumë prej 130 milionë euro.

Kasmi tha se përgjegjësia fillimisht është politike dhe më pas është kuridike për të nisur një hetim për shpërdorim detyre.

“Së pari këtu ka një përgjegjësi të jashtëzakonshme politike, me një numër kaq të madh rastesh të humbura të Arbitrazhit.

Ne kemi votuar një qeveri dhe kjo qeveri merr vendime në të dobi tonën por dhe në dëmin tonë. Në dëmin tonë jo toni, por për dekada e dekada, për brezat e ardhshëm për fëmijë e fëmijëve. Ndaj ne duhet ta mendojmë mirë kë zgjedhim mbi krye.

Nëse në çështje të cilat një individë futet me mirëbesim për të zgjidhur një kontratë, le të themi kur t’i jep një kontratë një subjekti dhe ai bën çdo gjë të kundërligjahsme dhe ti je i detyruar ta ndërprerësh dhe mosndërpreja është çështje shpërdorimi detyre. Por ne nuk mund ta çojmë përgjegjësinë juridike te prokuroria nëse duhet apo jo të hapë një çështje, unë mendoj se së pari duhet të qartësojmë çështjen politike. Kjo është një çështje mirfilltazi politike”, tha Kasmi.

LEXONI GJITHASHTU:

• “Çmimi i kripur”, Mateo Spaho tregon sa do paguajmë vetëm për avokatët e Becchettit
• Çfarë ndodh nëse s’paguajmë Bechettin? Soko tregon si mund të ngrijë asetet tregtare
• “130 mln euro do paguhen”- Soko: Vendimi për Becchettin ditë e zezë për Shqipërinë