Kush “e pajtoi” Ramën dhe Kurtin? Zbulohet kryeministri që ndërhyri mes tyre

Analisti Gazmir Raci ishte këtë të hënë i ftuar në një intervistë për Euronews Albania ku ka komentuar ndër të tjera takimin mes dy kryeministrave shqiptar Edi Ramës dhe Albin Kurti, të cilët u takuan ditën e djeshme në Slloveni.

Raci tha se dy kryeministrat nuk ishin në hasmëri dhe edhe pse u tha shumë se ishte kryeministri i Malit të Zi ai që “i pajtoi” , sipas analistit, ky takim ishte i pashmangshëm.

“Takimi ishte i pashmangshëm, se është një samit rajonal i thirrur nga Sllovenia, që ka një rëndësi strategjike për Slloveninë dhe për BE-në. Dy kryeministrët nuk janë në hasmëri. Mbrëmë u tha se Abazoviçi i pajtoi dy kryeministrët. Ata nuk janë në hasmëri, por janë disa çështje politike të cilat mbase nuk janë sqaruar mes tyre, e do duhej që njëherë e përgjithmonë të dy liderët të uleshin e të bisedonin mes  tyre në mënyrë që të mos ketë efekte në raportet ndërshtetërore mes Kosovës dhe Shqipërisë, sepse ndryshe asnjëra nuk mund të ecë drejt anëtarësimit në BE”,-tha Gazmir Raci.

Pas shtrëngimit të duarve, ata janë ulur pranë në darkën e punës së kryeministrit të Sllovenisë dhe shihen teksa bisedojnë edhe me kryeministrin e Malit të Zi, Dritan Abazoviç. Ky ishte ballafaqimi i parë mes dy kryeministrave që prej fillimit të tensioneve në veri në fund të muajit maj.

LEXONI GJITHASHTU:

• Intervistoi Ramën pas kritikave për Belerin, gazetari grek flet për Euronews
• Kush “e pajtoi” Ramën dhe Kurtin? Zbulohet kryeministri që ndërhyri mes tyre