Kush është kryetarja e re e Bashkisë Himarë, si u ndanë votat në Bëshillin Bashkiak

Me ish-kryetarin Jorgo Goro që drejtoi Himarën për 13 vite me radhë në qeli dhe rivalin e tij në 14 maj që fitoi zgjedhjet Fredi Beleri, që po ashtu ndodhet në burg prej gati një viti, Blerina Bala do mund të ulet nga sot në karrigen e bashkisë së Himarës.

Deri më sot ajo ka qenë nënkryetare e kësaj bashkie, pozicion që e ka marrë së pari në vitin 2019. Por më herët ka pasur disa eksperienca administrative në pushtetin lokal, duke drejtuar drejtorinë e shërbimit social që prej vitit 2016.

Bala mori mbështetjen e 15 anëtarëve të këshillit bashkiak nga 21 në total që ka bashkia e Himarës.

Konkretisht Bala mori 9 vota e këshilltarëve të PS, 1 PSD, 1 Mega, 1 LZHK, 1 PD, dhe 2 këshilltarë të Bashkë Fitojmë. 4 anëtarë të këshillit nuk votuan, mes tyre dhe bashkëshorti i Blerina Balës, i cili është këshilltar i Aleanca Arbnore Kombëtare (AAK).

LEXONI GJITHASHTU:

• Përplasje në Himarë, qyetetarët ndërpresin mbledhjen e Këshillit Bashkiak
• Zgjidhet kryetarja e re e Bashkisë Himarë