Kush preket nga fasha 800 kw? Eksperti sqaron vendimin e qeverisë

Eksperti i energjisë, Azmer Duleviç sqaroi në një intervistë për Euronews Albainia se 800 kw konsum mujor energjie përkthehet 92 mijë lekë të vjetra.

Ai shtoi se kushdo familje që konsumon më shumë se 92 mijë lekë të vjetra energji në muaj, preket nga fasha e re e energjisë.

“Çfarë do të thotë 800 kw, pra në sa lekë përkthehet? 800 kw konsum mujor do të thotë ajo familje që paguan faturën e energjisë 92 mijë lekë të vjetra. Kush paguan nga 0 deri në 92 mijë lekë të vjetra është nga fasha zëro deri në 800 kw. Kush paguan më shumë se 92 mijë të vjetra e ka tejkaluar fashën”, u shpreh ai.

Shumica e shqiptarëve mendojnë që vendimi i qeverisë për të rritur çmimin e energjisë, vetëm për konsumatorët familjarë që tejkalojnë fashën me 800 KW, nuk është aspak efektiv.

Gjetjet e Barometrit tregojnë që 37% e shqiptarëve mendojnë se ky vendim nuk është aspak efektiv, 19 % mendojnë që është disi efektiv, 18.2 % e tyre janë neutral me përgjigjet e tyre dhe 8.7 % mendojnë që ky vendim është shumë efektiv.

Duke marrë parasysh nivelin e ekonomisë së Shqipërisë, qytetarët janë pyetur nga Barometri nëse vendimi për mbrojtjen e shqiptarëve nga kriza energjetike është brenda mundësive të qeverisë.

53.1 % e tyre mendojnë që qeveria ka bërë më pak se mundësitë që ka, 31% mendojnë që qeveria aq ka mundësi dhe 10.4% e tyre mendojnë që qeveria ka bërë më shumë se mundësitë që disponon.

LEXONI GJITHASHTU:

• Më pak se 10 % e shqiptarëve e vlerësojnë si efektive vendosjen e fashës 800 kw
• 5.5 % e shqiptarëve preken nga fasha 800 kw
• VIDEO | Flamuri shqiptar shfaqet në stadium në ndeshjen Serbi-Zvicër