Kush trembet nga SPAK-u? Çupi: Altin Dumani s’mund t’i zgjidhë i vetëm çështjet

Analisti Frrok Çupi thotë se kreu i ri i SPAK-ut, Altin Dumani nuk mund t’i zgjidhë i vetëm çështjet për të cilat po heton drejtësia.

Në një intervistë për Euronews Albania, Çupi u shpreh se mbi Dumanin bie një peshë e madhe, për shkak të mungesës së gjatë të institucioneve.

Sipas tij, tanimë SPAK-u po hyn në një fazë të re.

“Pesha që bie mbi Dumanin, një pjesë e saj është artificë, është thjesht shpresë, nuk është një peshë e vërtetë. Pjesa tjetër është një peshë që bie për shkak të mungesës së gjatë të institucioneve. Të gjithë mëkatin e vrasësve të Krishtit, tani duhet ta vëmë mbi shpatullat e një njeriu, gjë që nuk është e drejtë dhe nuk të zgjidh asgjë.

Altin Dumani është një prej prokurorëve. Nuk është mundur që t’i zgjidhë të gjitha problemet një prokuror. Për mua nuk ka ndodhur asgjë të re në SPAK, për mua vetëm është hapur një fazë e dytë”, theksoi ai.

LEXONI GJITHASHTU

• Inceneratori i Fierit, SPAK dërgon për gjykim Lefter Kokën dhe Alqi Bllakon
• Ferhati: I ka bërë zyrtarët me dhimbje koke, ja çfarë pritet nga kreu i ri i SPAK
• A ka qenë SPAK i kapur nga qeveria? Përgjigjet Endri Shabani