“Kush voton kënetën politikisht autik”, Berisha: Superskandal, Rama si Hitleri

Kreu i Partisë Demokratike, Sali Berisha, reagoi ndaj një deklarate të kryeministrit Edi Rama, i cili gjatë takimi të zhvilluar sot tha se kush voton kënetën (duke nënkuptuar PD) është politikisht autik.

Berisha tha se kjo deklaratë është fyese dhe diskriminuese ndaj personave me autizëm dhe sakrifica së njerëzve që qëndrojnë pas tyre.

Sipas tij, përçmimin ndaj fëmijëve e të rriturve me autizëm e kanë pasur diktatorët si Adolf Hitleri dhe Enver Hoxha.

“Të përdorësh ti një çrregullim, prapa të cilit qëndron një heroizëm i pazakonshëm i fëmijëve dhe prindërve, në qoftë se ka një çrregullim ku një nënë është më heroinë se çdo nënë tjetër me përpjekjen e saj, është nëna e një fëmije me këtë çrregullim. Dhe fëmija vetë që jo në pak raste duhet t’i kapë fjalët një nga një, duhet t’i përvetësojë fjalët një nga një. Dhe ky del me këtë frazë, tregon se është turp të quhet prind ky. Është turp të quhet bashkëshort ky. Është turp të quhet baba ky me këto fjalë që thotë për këta fëmijë heronj janë ata. Ata bëjnë përpjekje mbinjerëzore dhe arrijnë të shkollohen. Po rruga e tyre është një rrugë e vështirë. Këta gjeti ky për të etiketuar”, tha Berisha.

LEXONI GJITHASHTU:

• Berisha nga Puka: Çdo pensionist në Shqipëri duhej të merrte të paktën 360 mijë lekë
• Berisha mban një minutë heshtje për Papa Françeskun: Njerëzimi humbi një kolos