Kushtetuesja e pezulloi, Korreshi: As Rama s’e donte marrëveshjen me Italinë!

Deputeti i PD, Saimir Korreshi komentoi në një intervistë për Euronews Albania vendimin e Gjykatës Kushtetuese për të pezulluar marrëveshjen me Italinë për emigrantët.

Sipas Korreshit, as Edi Rama vetë nuk e donte këtë marrëveshje me Italinë, por gjithçka e bëri për show.

“Kjo ka qenë një show i Ramës se në vetvete ai s’e ka dashur këtë marrëveshje, thjesht për të thënë që unë doja por shiko çfarë bën opozita, ndërkohë që kishte gjithë mundësinë që të konsultohej me opozitën, shteti nuk është personal, kryeministri nuk është njëshi i shtetit. Ne presim transparencë, të respektohen institucionet. Nuk ka qenë qëllimi të prishim raportet me Italinë, por mënyra si nuk është bërë transparente, si nuk janë kaluar proceduar dhe janë shkelur të drejtat e njeriut me këtë marrëveshje”, tha Korreshi.

LEXONI GJITHASHTU:

• Marrëveshja për emigrantët, Gjykata Kushtetuese pezullon ratifikimin në Kuvend
• Marrëveshja për emigrantët, Bardhi: GJK s’po vepron, dyshime se koordinohet me Ramën