Gjatë paraqitjes së raportit për buxhetin e vitit 2025 përpara Komisionit për Çështjet Ligjore, përfaqësuesit e Gjykatës Kushtetuese theksuan se pavarësia buxhetore është një komponent thelbësor për të garantuar funksionimin e saj të pavarur dhe të paanshëm, në mbrojtje të Kushtetutës.

Sekretari i Përgjithshëm i Gjykatës Kushtetuese, Eugen Papandile, theksoi rëndësinë e pavarësisë financiare për këtë institucion. Ai u shpreh se Gjykata Kushtetuese, si një nga institucionet kyçe të shtetit të së drejtës, ka nevojë për një pavarësi të plotë jo vetëm në vendimet e saj juridike, por edhe në burimet financiare, për të shmangur çdo mundësi ndikimi ose presioni nga pushtetet e tjera.

Në fjalën e tij, Papandile u shpreh se nga takimet me kolegë të Gjykatave Kushtetuese të vendeve evropiane dhe jo vetëm, është vënë re se qeveritë dhe parlamentet e tyre nuk e diskutojnë asnjëherë kërkesat buxhetore të Gjykatës, duke i pranuar ato si të bazuara në nevoja reale dhe të arsyeshme, të cilat nuk mund të ishin të paarsyeshme.

Për më tepër, përfaqësuesi i Gjykatës Kushtetuese ndaloi kërkesat për vitin 2025, duke u fokusuar në dy shtyllat kryesore të buxhetit: fondin për paga dhe sigurime shoqërore, si dhe fondin për shpenzime operative.

LEXONI GJITHASHTU:

• KED nis mbledhjen e radhës me shkelje flagrante të Kushtetutës
• Vakanca në Kushtetuese, të premten mblidhet KED, shqyrtimi i 10 kandidaturave