Lajçak takon zyrtarin e lartë amerikan, diskutohet vijimi i dialogut Kosovë-Serbi

I dërguari i BE-së për dialogun Miroslav Lajçak ka vijuar takimet me zyrtarë të lartë amerikanë ku po diskutohet për situatën në Ballkanin Perëndimore dhe në veçanti mundësia për të risjellë tryezën e dialogut Kosovë-Serbi.

Pas takimit me Escobar, Lajçak ka diskutuar zhvillimet në Ballkanin Perëndimor edhe  me Drejtorin e Këshillit të Sigurisë Kombëtare të SHBA-së për Evropën, Miker Carpenter, i cili është edhe Asistent Special i Presidentit Biden.

Lajçak tha se ky takim është konfirmim i partneritetit të shkëlqyer mes BE-së dhe SHBA-së.

”I gëzuar që pata mundësinë të diskutoja zhvillimet në Ballkanin Perëndimor dhe më gjerë me Drejtorin e Këshillit të Sigurisë Kombëtare (NSC) të SHBA-së për Evropën për Evropën Miker Carpenter. Një tjetër konfirmim i partneritetit tonë të shkëlqyer BE-SHBA”, shprehet Lajçak.

Pritet dhe takimi me Obrian ku mesa duket do të ketë një koordinim të mënyrës se si do të vijohet me dialogun Kosovë-Serbi.

LEXONI GJITHASHTU:

• Kryenegociatorët e Kosovës dhe Serbisë sot në Bruksel, takim me Lajçak
• Lajçak në prag largimi, paralajmëron fazë të re në procesin e dialogut Kosovë-Serbi