Lakatari për përdhunuesit: Të varet apo të vdesë? Lërini këto histerizma

Një ngjarje e rëndë është regjistruar pasditen e të martës në Tiranë, ku një 55-vjeçar i identifikuar si Astrit Terolli ka përdhunuar një 11-vjeçare.

Aktivistja Zhaklin Lakatari tha për “Good morning Albanians” se komuniteti nuk mund të reagojë për të tilla çështje me histerizma që kërkojnë varjen apo vdekjen e autorit.

“Dhuna nuk zhbëhet me dhunë. Komuniteti duhet të fillojë të kuptojë që ky vend ka nevojë për ca strategji edukimi, informimi, vetëdijësimi, edukimi seksual, parandalimi të këtyre rasteve. Ne nuk mund të qajmë dhe të themi obobo, prit, duhet të parandalojmë,” – u shpreh Lakatari.

Sipas saj duhet marrë në konsideratë se si trajtohen në botë të tilla raste.

Lakatari thotë se reagimet që kërkojnë vdekjen e autorëve të krimeve të tilla janë dëshmi e mungesës së inteligjencës emocionale në Shqipëri.

55-vjeçari ka shkuar për vizitë te shtëpia e shoku ku ka gjetur vetëm 11-vjeçaren ku dhe e ka përdhunuar.

Terolli ka qenë shok me babanë e vajzës së mitur.

Denoncimi në polici është bërë nga familja e të miturës, ndërsa akti i kryer nga 55-vjeçari është vërtetuar pas ekspertizës mjeko-ligjore.

LEXONI GJITHASHTU:

• 55-vjeçari përdhunon 11-vjeçaren në Tiranë, e mitura ishte vetëm në shtëpi
• Dy të rinj tentojnë të përdhunojnë 23-vjeçaren në Durrës