Lefter Koka mohon shkeljen e ligjit për inceneratorin e Fierit

Ish-ministri i Mjedisit Lefter Koka ka mohuar akuzat e ngritura nga SPAK sa i takon abuzimeve me ndërtimin e inceneratorit të Fierit.

Ai është marrë në pyetje për dy orë ku ka sqaruar se për ndërtimin ka ngritur komisioni në përputhje me ligjin të cilët kanë bërë ndryshimin e destinacionit të tokës nga arë në truall. Ndërsa për pagesat që kanë marrë kompanitë të cilat SPAK thotë që kanë lidhje me Kokën, ai i ka kërkuar që të bëhen ekspertime nëse ka apo jo punime.

Akuzat mbi Lefter Kokën:

Lefter Koka dyshohet se ka përfituar rreth 1,2 milionë euro ryshfet për ndërtimin e inceneratorit të Fierit. E njëjta skemë si në Elbasan ku Koka akuzohet se përfitoi rreth 3,7 milion euro, është kryer edhe në Fier.

Koka akuzohet gjithashtu edhe për falsifikim dokumentesh. Ai dhe deputeti socialist, Alqi Bllako, dyshohet se kanë falsifikuar dokumentin për llojin e tokës ku do të ndërtohej inceneratori i Fierit.

LEXONI GJITHASHTU: