“Legjislacioni s’e ka përcaktuar”- Eksperti: Himara nuk është si Shkodra me Ademin

Agron Haxhimali, ekspert i pushtetit vendor, është shprehur se çështja e Bashkisë së Himarës, është një çështje që ha diskutim për mënyrën sesi do të vijojë dhe nga kush do të drejtohet, pasi kryetari i dorëhequr, Jorgo Goro dhe kreu i zgjedhur, Fredi Beleri, ndodhen në qeli.

Në një lidhje për Euronews Albania, Haxhimali tha se legjislacioni nuk e ka përcaktuar qartë këtë lloj momenti.

Ai tha se sipas nenit 60-të, në raste normale, ushtrimi i mandatit të kryetarit të Bashkisë nis kur bën betimin dhe përfundon kur bën betimin kryetari pasardhës i bashkisë.

Por ai shtoi se rasti i Bashkisë së Himarës nuk është i njëjtë me rastet e tjera, as me atë të Shkodrës, kur drejtuese ishte Voltana Ademi.

“Kjo është një çështje që ha diskutim pa fund sepse legjislacioni nuk e ka përcaktuar qartë këtë lloj momenti. E thotë neni 60-të, ushtrimi i mandatit të kryetarit të Bashkisë nis kur bën betimin dhe përfundon kur bën betimin kryetari pasardhës i bashkisë. Por jemi në një kontekst krejt tjetër. Rasti i Himarës nuk është si rasti i Shkodrës, që ishte zonja Ademi që nuk e dha dorëheqjen, por ajo nuk kandidoi. Ndërsa në Himarë Jorgo Goro kandidoi”, tha Haxhimali.

LEXONI GJITHASHTU:

• Jorgo Goro jep dorëheqjen, e paraqet atë në Këshillin Bashkiak të Himarës
• Çfarë ndodh me bashkinë e Himarës? Shabani zbulon hapat: Nis nga shkarkimi i Goros