Greqia do të shpejtojë procedurat për marrjen e leje-qëndrimit, për t’i hapur rrugë një numri të madh emigrantësh të futen në tregun e punës.
Emigrantët shqiptarë do të jenë përfituesit e mëdhenj nga ndryshimet e reja, duke qenë se përbëjnë rreth 60 për qind të gjithë të ardhurve në mënyrë të ligjshme, dhe pas tyre do të jenë gjeorgjianët e pakistanezët.
Etmond Guri, përfaqësues i diasporës shqiptare në Greqi tha në një intervistë për Euronews Albania se nga vendimi i qeverisë greke për të shpejtuar procedurat për marrjen e leje-qëndrimit përfitojnë qindra mijëra shqiptarë. Ai tregoi se qeveria greke e ka lehtësuar edhe më tej procedurën e aplikimit duke riformatuar të gjithë sistemin dhe duke e digjitalizuar atë.
“Sot kemi zyrtarisht hapjen e platforme ku gjithsecili mund të aplikojë. Në Greqi, sistemi i informacionit është i ndërlikuar, por ka varësi nga disa dikastere. Të gjitha këto krijojnë një pengesë të madhe pasi nuk ka pasur shtim personeli ndaj qeveria greke më në fund për shkak të trysnisë ka vendosur ta riformatojë të gjithë sistemin duke e digjitalizuar, që më në fund të kthehet në normalitet”, tha Guri.
LEXONI GJITHASHTU:
- A është e qetë maxhoranca? Gazetari: Duhet të trembemi nga marrëveshja me emigrantët
- Franca do ashpërsojë ligjin për emigrantët, pavarësisht vendimit të gjykatës
