Lëkundje në Nikël, sa ishte magnituta e tërmetit me epiqendër pranë Tiranës

Të tjera lëkundje tërmeti janë regjistruar këtë të martë, ku më e fundit është shënuar në orët e mbrëmjes.

Kjo lëkundje është regjistruar në Nikël të Krujës, në orën 21:53, me magnitudë 3.5 ballë të shkallës Rihter.

Sipas sizmiologëve, këto janë pasgoditje të tërmetit të mëngjesit, me magnitudë 4.4 ballë, që goditi vendin në orët e para të 24 qershorit.

Sipas të dhënave nga Qendra Sizmologjike Euro-Mesdhetare (EMSC), epiqendra e tërmetit të parë është regjistruar rreth orës 05:05, pranë zonës së Kamzës, në një thellësi prej vetëm 5 kilometrash.

Epiqendra ishte 16 kilometra në veriperëndim të Tiranës dhe 12 kilometra në jug-jugperëndim të Krujës.

Lëkundjet janë ndjerë në kryeqytet, në zonat përreth, si edhe në Durrës.

Tërmeti është shoqëruar nga gjashtë paslëkundje, të regjistruara brenda 10 minutave pas goditjes së parë, me magnituda 2.2, 2.2, 3.1, 3.4, 2.6 dhe 2.1 ballë.

LEXONI GJITHASHTU:

• “34 pasgoditje”/Sizmiologu tregon nëse priten goditje të tjera nga tërmeti në Tiranë
• Tërmet i fortë në Tiranë, ku ishte epiqendra