Leverkusen ndalet në Azerbajxhan, Liverpool “argëtohet” me Spartën

29 gola kanë prodhuar 7 sfidat e Europa League të luajtura të enjten, ku bien në sy fitoret e favoritëve, madje me rezultate të thellë si Liverpool, Roma apo Milan, ndërsa padyshim surprizë ishte dhe triumfi i Marsejës në shifrat 4-0 ndaj Villareal, duke u kualifikuar thuajse që në ndeshjen e parë.

Dy ndeshjet që nuk patën fitues janë Qarabag-Leverkusen dhe Benfica-Rangers.

Roma e De Rossit hodhi një hap të madh drejt fazës çerekfinale, pasi fitoi në shifrat 4-0 ndaj Brighton. Kryeqytetasit kaluan në avantazh me Dybala, ndërsa Lukaku dyfishoi rezultatin.

Në fraksionin e dytë ishin Mancini e Cristante që dërguan shifrat në 4-0. Transferta e Pragës rezultoi argëtim për Liverpoolin e Klopp, i cili konfirmoi se nuk është për nivelin që Europa League ka. Mcallister, dopieta e Nunez, Diaz dhe Soboslai ishin autorët e golave për ekipin e Klopp, ndërsa u regjistrua dhe një autogol i Bradley.

Milani po ashtu shënoi 4 gola përballë Slavias së Pragës, ndërsa pësoi 2 prej tyre, njëri një super gol me autor Doudera. Për kuqezinjtë shënuan Giroud, Rejnders, Loftus Check dhe Pulisic, ndërsa për ekipi cek Doudera e Schranz.

Nën drejtimin e Gasset Marseja duket e pandalshme, fakt që e përforcoi në Europë. Veretout, autogoli i Mosquera dhe dopieta e Aubameyang regjistruan shifrat 4-0 në shtëpi. Leverkuseni u ndal 2-2 nga Qarabag, teksa të njëjtin rezultat prodhoi dhe Benfica-Rangers. Fitore minimale dhe për Freiburg ndaj West Ham, një rezultat surprizë.

LEXONI GJITHASHTU:

• Shkëputet Leverkuseni në krye, Bayerni “dorëzohet” ndaj Bochum
• Mësuesit paralajmërojnë protesta, Mehmeti: Skllevër të shtetit! SMIP, për t’i lodhur