Lëvizje e lirë Kosovë-Shqipëri, Kurti: U shërben 200 mijë shqiptarë në kufi

Kryeministri i Kosovës, Albin Kurti njoftoi se më 12 prill hyri në fuqi marrëveshja për lëvizjen e lirë për zonat ndërkufitare me Shqipërinë.

Në një postim në rrjete sociale, Kurti nënvizon se mbi 200 mijë shqiptarë të Kosovës dhe Shqipërisë që banojnë në zonat deri në 30 km nga kufiri tokësor që kanë të drejtë të kalojnë kufirin lirshëm dhe të qëndrojnë në zonën kufitare, për arsye sociale, kulturore, familjare etj.

“Mundësohet lëvizja e lirë e qytetarëve në zonat ndërkufitare Kosovë-Shqipëri

Ministria e Brendshme e Republikës së Kosovës dhe Ministria e Punëve të Brendshme e Republikës së Shqipërisë kanë nënshkruar Protokollin Zbatues të Marrëveshjes Qeveritare për Regjimin e Trafikut Lokal në Zonat Kufitare, duke mundësuar e jetësuar lëvizjen e lirë të qytetarëve që banojnë në zonat kufitare, në 26 vendkalime të veçanta kufitare.

Prej ditës së sotme, mbi 200,000 shtetas të Kosovës dhe Shqipërisë që banojnë në zonat deri në 30 km nga kufiri tokësor kanë të drejtë të kalojnë kufirin lirshëm dhe të qëndrojnë në zonën kufitare, për arsye sociale, kulturore, familjare etj”- shkruan Kurti.

Më tej ky i fundit thekson se kjo Marrëveshje thellon edhe më tej bashkëpunimin tonë ndërshtetëror dhe lehtëson ndërveprimin e qytetarëve në të dy anët e kufirit.’- shkroi Kurti.

LEXONI GJITHASHTU: 

• “Bisedime do jenë një torturë e rëndë”, Vuçiç sulmon Albin Kurtin për dialogun
• Korçarja: Në Korçë dhe Berat festohen Pashkët më mirë se kudo tjetër