Liburn Aliu dha dorëheqjen pas mosdakordësive me Kurtin, emërohet ministri i ri

27 Gusht 2025 | 19:12

Kryeministri në detyrë i Kosovës, Albin Kurti, ka emëruar Hysen Durmishin si ushtrues detyre të Ministrit të Mjedisit, Planifikimit Hapësinor dhe Infrastrukturës. Durmishi, i cili më parë ka mbajtur postin e zëvendësministrit në të njëjtën ministri, merr detyrën pas largimit të Liburn Aliut.

Vendimi vjen menjëherë pas dorëheqjes së Aliut, i cili e bëri të ditur publikisht se po largohet nga qeveria në dritën e zhvillimeve të fundit politike, konkretisht pas zgjedhjes së Dimal Bashës në postin e kryetarit të Kuvendit të Kosovës. Aliu e kishte informuar Kurtin për dorëheqjen e tij që pas shpalljes së rezultateve të votimit në Kuvend.

Në një deklaratë zyrtare, Kurti ka shprehur mbështetjen e tij për Durmishin, duke e uruar për përgjegjësinë e re dhe duke i dëshiruar sukses në përmbushjen e detyrave ministrore.

Aliu, në arsyetimin e tij për dorëheqjen, u shpreh se procesi i zgjedhjes së kryetarit të Kuvendit nuk ishte në përputhje me parimet dhe idealet për të cilat ai është angazhuar në politikë, duke theksuar se një akt i tillë nuk pasqyron vizionin e tij për Republikën.

LEXONI GJITHASHTU:

 

Home Kryefaqja
Shiko në: YouTube
Lajme të Sugjeruara

KQZ nesër shpall rezultatet përfundimtare të zgjedhjeve në Kosovë

Komisioni Qendror i Zgjedhjeve nesër mblidhet në orën 11:00.   Në rend dite është shpallja e rezultateve përfundimtare të zgjedhjeve të parakohshme për Kuvendin e...
18:28 | 26/06/2026

Fëmijë shqiptarë nga rajoni i Kumanovës mund të mbesin pa shkollë fillore

Fëmijët shqiptarë të fshatit Kosturnik në rajonin e Kumanovës mund të mbeten pa shkollën e tyre fillore, pasi Ministria e Arsimit ka paralajmëruar mbylljen. Sipas...
16:08 | 26/06/2026

Në Prishtinë shënohet përvjetori i Betejës së Kosovës

Me rastin e shënimit të 637-vjetorit të Betejës së Kosovës, profesori Mentor Hasani dhe studentët e Departamentit të Historisë në Universitetin e Prishtinës, organizuan një...
16:01 | 26/06/2026