Liga e Konferencës, Ballkani sfidon kryesuesit në Air Albania

Ballkani dhe Viktoria Plzen përballen pasditen e së enjtes në Air Albania, në ndeshje ne 5-të të fazës së grupeve. Ekipi nga Kosova synon të marrë fitoren e dytë, ndërsa në Çeki u mposht minimalisht. Në konferencën për shtyp, trajneri Ilir Daja ka pohuar se skuadra është e motivuar, ndërsa vjen me mungesa.

“Kemi mungesa, por jemi të motivuar maksimalisht, pasi e dimë rëndësinë e ndeshjes. Përballemi me kryesuesen e grupit, që ka fituar të gjithë takimet deri tani. Nëse nesër do të kemi edhe mbështetjen e publikut, do të jemi edhe më të motivuar. Sa i përket organikës, na mungon Hamidi i pezulluar dhe Tolaj, që është i dëmtuar, por rikthehet Berisha”, deklaroi Daja.

Barazimi nuk është në planet e kampionëve të Kosovës, ndërsa do të synojnë të marrin më tepër.

“Kemi bërë një arritje të madhe për Ballkanin, por edhe futbollin e Kosovës. Ne do të bëjmë më të mirën e mundshme dhe do të duam tregojmë anën tonë më të mire”, theksoi Daja.

Për mbrojtësin Jashanica, në skuadër nuk ka presion, pasi skuadra e ka arritur objektivin e saj.

“Nuk ka pse të jemi në presion, Ballkani ka arritur maksimumin, atë që mund të arrijë një ekip nga Kosova. Do të futemi në fushë të japim maksimumin”, tha Jashanica.

Ballkani dhe Viktoria Plzen përballen me njëra-tjetrën në orën 18:45, ku në rast fitore do të rriteshin shpresat për kualifikimin më tej.

LEXONI GJITHASHTU:

• Mbrëmje magjike në Champions, 31 gola në 8 përballjet e luajtura
• Shqipëria në “Euro 2024”, De Biasi zbulon arsyet: Sylvinho, i ri, por di të punojë
• Gianni de Biasi: Do doja të kisha në skuadër disa nga lojtarët që i ka Reja