Likaj për Stambollin: Ka trafik kilometrik, por s’mbetesh në vend si në Tiranë

Eksperti rrugor, Fadil Likaj thotë se trafiku në vendet evropiane është kinematik, pra në lëvizje si për  shembull në Stamboll dhe jo si në Tiranë.

Në emisionin “Barometri” në Euronews Albania, Likaj u shpreh se në Tiranë mbetesh në trafik për një kohë të caktuar dhe automjetet nuk lëvizin.

“Po të shikojmë në vendet evropiane, trafiku është kinematik. Po të shikojmë në Shqipëri, ka vende që trafiku dhe segmente rrugore, për një kohë të caktuar nuk mund të lëvizim. Nëse do e krahasojmë me Turqinë, ose me Stambollin, do shikojmë që trafiku është kilometrik, por automjetet janë në lëvizje”, theksoi ai.