Lindjet në Shqipëri| Çiftet hezitojnë për fëmijën e parë, por jo për fëmijën e tretë

Sjellja në jetë e një fëmije po shtyhet gjithmonë e më shumë në kohë nga vajzat e reja.

Kjo faktohet nga të dhënat e raportuara nga Eurostat, ku shihet se nënat që sjellin në jetë fëmijën e parë kanë rënë me 10% në harkun kohor të 10 viteve, ndërsa ato që lindin fëmijën e 3-të janë shtuar.

Rritja profesionale, vetëplotësimi personal, të shoqëruara me faktorë të tjerë socialë dhe ekonomikë po rrisin numrin e femrave që nuk lindin fëmijë në moshën e riprodhimit.

Shqipëria renditet në vendet e para në Europë me përqindjen më të ulët të bebes së parë në totalin e lindjeve. Në shumicën e vendeve të zhvilluara të Europës bebet e para zënë 45-54% të totalit të lindjeve.

Nga ana tjetër shihet një rritje e çifteve të martuara që lindin më shumë se dy fëmijë.

Pesha e fëmijës së tretë në totalin e lindjeve në vitin 2022 ishte 16.5%. Lindjet në Shqipëri po bien me shpejtësi.

Në 3-mujorin e parë të vitit 2024 erdhën në jetë  5,056 fëmijë  duke shënuan nivelin më të ulët historik me bazë tremujore që nga viti 1990.

LEXONI GJITHASHTU:

• Rënia e lindjeve në Shqipëri, Tushe: Çiftet i duan fëmijët, por duhen ndihmuar
• Parlamenti Evropian miraton paktin për Azilin dhe Emigracionin në BE