“Lironi foltoren”- Përplasja me Nikollën, Basha përjashtohet nga seanca plenare

Kryedemokrati Lulzim Basha u përfshi në debate me kryeparlamentaren Lindita Nikolla gjatë seancës së sotme në Kuvend.

Basha ka kërkuar fjalën në Kuvend, ndërkohë që Nikolla i ka kërkuar të lirojë foltoren sepse nuk mund t’ia jepte sërish fjalën.

Pasi Basha nuk po largohej nga foltorja, Nikolla vendosi që ta përjashtojë Bashën nga seanca e sotme plenare, për zaptim foltoreje.

“Lironi foltoren se do iu përjashtoj nga seanca. Lironi foltorem nuk ua jap fjalën. Kur shoh që nuk po i përmbaheni procedurës, kam të gjithë të drejtën t’ju heq fjalën. Zoti Basha mos pengoni rendin e ditës. Ju lutem, mos zaptoni foltoren. Jo, do të vijojmë me rendin e ditës.

Nuk do bëjmë lojëra fjalësh këtu. Ua dhash tre herë fjalën për procedurë. Jeni i përjashtuar nga seanca për zaptim foltoreje. Jeni i përjashtuar, për një ditë e ka drejtuesi i seancës. Do thellohet dënimi, rregullorja është e qartë. 5 minuta pushim me kërkesë të kryetarit të Grupit”, tha Nikolla.

LEXONI GJITHASHTU:

• Reforma zgjedhore, Basha thirrje nga parlamenti: Mos të përsëritet skandali i 2008
• Juristi: Ja sa vota mund të mbledhë Lulzim Basha nëse zgjedhjet bëhen sot