Llogari e përbashkët bankare e çiftit, ide e mirë?

Një faqe australiane e këshillave financiare e quajtur “She’s On Money” ka shtruar një pyetje se kur çiftet duhet t’i kenë paratë e tyre me një llogari të përbashkët dhe përgjigjet janë nga më të ndryshmet.

Qindra burra dhe gra morën pjesë në bisedë.

Disa thanë se mbështeteshin në kursimet e tyre të përbashkëta për të blerë artikuj me vlera të mëdha, ndërsa të tjerë kanë qenë të martuar për 20 vjet dhe ende nuk i kanë bashkuar kursimet e tyre. Por cila është mënyra më efektive për të pasur një ekonomi sa më të mirë familjare?

“Ne e bëmë këtë për të kursyer depozitën tonë të shtëpisë dhe e mbajtëm të hapur për shpenzimet e shtëpisë. Përndryshe ne kemi llogari të ndara dhe betohemi për këtë”, u përgjigj një grua.

“Kur u martuam hapëm një llogari të përbashkët! Por ne e përdorim atë vetëm për shpenzimet e përbashkëta shtëpiake – qira, fatura, sende ushqimore dhe për kafshët shtëpiake! Gjithçka tjetër është e ndarë”, tha një tjetër.

“Në shtëpinë tonë nuk debatohet se kush paguan për çfarë,” shtoi një tjeter.

Një grua tha se priti derisa të martohej përpara se të kombinonte të ardhurat me partnerin.

“Ne u fejuam 14 javë pas takimit dhe hapëm një llogari të përbashkët menjëherë, në mënyrë që të mund të fillonim të kursenim për dasmën që ishte planifikuar 11 muaj më vonë”, tha një tjetër.

LEXONI GJITHASHTU:

• Jo blerje më lekë në dorë, të gjithë me llogari bankare, shteti do mbulojë kostot
• Prokuroria sekuestron 6 apartamente dhe llogari bankare, në pronësi të trafikantit