Lloja jep detaje: Do të ketë surpriza në Shkodër, shtëpizat janë pronotuar të gjitha

Këshilltarja e Bashkisë Shkodër, Monjola Lloja ka dhënë detaje për festimet që bëhen në Shkodër, ndryshe nga vitet e tjera.

Në një intervistë për emisionin “Review” në Euronews Albania, ajo theksoi se do të ketë dhe surpriza  të tjera në Shkodër në lidhje me festat.

Mes të tjerash ajo nënvizoi se turistët kanë qenë të shumtë, duke shtuar se të gjithë shtëpizat janë zënë.

“Nevoja në qytet është e jashtëzakonshme. Ne jemi një bashki që gjetëm një buxhet të miratuar që më përpara dhe nuk kishim mundësi të bënim parashikime të tilla. Ajo që është e rëndësishme është se qytetarët ndihen pjesë dhe kountribojnë në këto festime. Disa prej eventeve artistike me thënë të drejtën ne i kemi ruajtur për t’i thënë në dalje televizive.

Përpara se të niste festa kreu i Bashkisë ka bërë një takim me të gjithë fotografët, blogerët  dhe gazetarët . Ata e  kanë marrë të plotë programin. Pra po bëjmë një fushatë marketingu. Shtëpizat janë zënë brenda ditës. Shumica e bizneseve atje drejtohen nga fare të rinj. E gjithë kjo po bëhet që njerëzit të kenë shpresë”-tha ajo.

LEXONI GJITHASHTU: 

• Turizmi dimëror në Sarandë, Çipa: Kemi nisur të mendojmë për ekonominë e dimrit
• Familjes Ademaj i aprovohet kërkesa për rivarrim të Liridonës