Dizanjeri Agi Haxhimurati analizoi në një intervistë për Euronews Albania mesazhet e sloganeve të 3 kandidatëve kryesorë për bashkinë e Tiranës.
Ai tha se logoja e Belind Këlliçit në aspektin e dizajnit është një lëmsh i gjërave vizuale, që japin disa mesazhe të ndryshme,
“Duhet të njohim edhe shenjat e gishtave që janë një miks shenjash të cilat japin secila mesazhe të ndryshme. Duhet të kesh një fytyrë dhe ajo të mbahet mend. Nuk më është fiksuar asgjë nga pamja vizuale në këtë slogan”, tha Haxhimurati.
Slogani i Roland Bejko, për dizajnerin është bazik, por nuk ka theksuar siç duhet mesazhin që synon të përcjellë.
“Frymëmarrje për Tiranë” ky slogan nga ana tipografike është e kapur për fyti, fonti është i ngushtë, duhet të ishte frymëmarrja me të madhe, që të mbahet mend dhe më pas Tirana. Ti e di që për tiranën po garon”, u shpreh ai.
Slogani i PS, “Vetëm përpara kurrë mbrapa”, në fakt fillon me “Kurrë mbrapa vetëm përpara sipas tij.
“Historia ka treguar se ata që janë marrë me kundërshtarin nuk kanë dalë aq mirë. Në luksin që ka sot partia në pushtet, unë do ta injoroja kundërshtarin. Por këtu ka një lloj gabimi logjik, se tabela “Vetëm përpara” shkon djathtas, ndërsa këta janë parti e majtë”, shpjegoi dizajneri.
LEXONI GJITHASHTU:
- Gazetari zbërthen të dhënat: Këlliçi ka marrë 3% nga Veliaj, Bejko i pallogaritshëm
- Deputeti i PD: Mbështesim kandidatët e PD për këshillin, por jo Berisha-Meta
