Lojërat Mesdhetare: Delegacioni ndërkombëtar shqyrton hapsirat sportive në Prishtinë

Nga 4 deri më 6 nëntor është zhvilluar në Prishtinë vizita e parë në terren e përfaqësuesve të RCAG, kompanisë fituese për hartimin e projektit për Lojërat Mesdhetare 2030.

Qëllimi kryesor i kësaj vizite ishte nisja e bashkëpunimit praktik në fazën përgatitore të projektit dhe krijimi i një kuptimi të përbashkët mes palëve për pritshmëritë dhe drejtimin që duhet të marrin punët që duhet të përfundohen.

Delegacioni ka parë nga afër infrastrukturën aktuale sportive në Kosovë duke inspektuar disa prej impianteve kryesore sportive si stadiumin “Fadil Vokrri”, Pallatin e Rinisë dhe Sporteve, Bulevardet e Prishtinës (lokacioni i garave të 3×3 basketbollit), Lokacionin e kompleksit olimpik të notit, Parkun Kombëtar të Gërmisë, Zonën e parashikuar për Fshatin e Sportistëve, Qendrën e Komitetit Olimpik të Kosovës, si dhe hotelet e parashikuara për “Games Family”.

Sekretari i Përgjithshëm i Komitetit Olimpik të Kosovës, Besim Aliti, tha se kjo vizitë ka dy qëllime kryesore.

“Janë dy nivele kyçe në të cilat ata do të fokusohen. I pari është një është plani i operimeve dhe i shërbimeve, të cilat ne do t’i ofrojmë familjes mesdhetare e cila sot vizitoi Kosovën dhe natyrisht ajo pa nëse ne nuk mundemi. Kjo është infrastruktura sportive dhe infrastruktura e përgjithshme e cila duhet të krijohet për t’i organizuar Lojërat Mesdhetare. Një nga temat shumë të rëndësishme do të jenë burimet njerëzore, pra si do ta arrijmë nivelin që sa më shumë staf profesional lokal të jetë në Lojërat Mesdhetare dhe plani ynë, parashikimet tona janë që mbi 500 persona të rinj nga Kosova të jenë të angazhuar në nivele të ndryshme të memaxhmentit të organizimit të Lojërave Mesdhetare”, bëri të ditur Aliti.

LEXONI GJITHASHTU:

• Nis sot Java Kulturore Britanike! Muzikë, art, arsim dhe sport deri më 15 nëntor
• Parku i lojrave “Disneyland” në Shanghai feston rihapjen