“Lojtarët e skedinave paguajnë tatime”, Fidel Ylli tregon si do kontrollohen bastet

Fidel Ylli tha se kompanitë e basteve duhet të lënë në bankë një garanci për lojtarët që do të vënë skedina.

I ftuar në Euronews Albania ai shpjegoi se si do të realizohen kontrollet e basteve dhe tha se edhe vetë lojtarët që do të vënë skedina do të taksohen njësoj sit ë gjithë ata që punojnë.

“Që të marrësh një licencë bastesh duhet të kesh një herë një histori se kush je ti. Çfarë personi je? Ke apo nuk ke eksperiencë në këtë fushë. Sa para ke? Dhe duhet të lësh garanci. Pra në rast se dikush luan në një kompani bastesh dhe fiton, nëse ai që ka një kompani bastesh, pronari nuk i jep paratë.

Çfarë do bësh? Shteti thotë që ai që e merr do të lërë një garanci bankare x milionë dollarë në bankë dhe këto janë garanci për lojtarin. Një lojtar që luan e ka të sigurt fitimin se i merren direkt nga pallatë që ka bllokuar, plus lekët e licencës, plus lojtarët do tatohen. Siç tatohesh ti për rrogën, siç tatohem unë për rrogën edhe lojtarët do tatohen. Kontrolli online do të jetë gjëja kryesore”-tha Fidel Ylli.

Po ashtu Fidel Ylli sqaroi se bastet nuk do të vihen më me anë të parave ‘cash’, të gjitha pagesat do të bëhen me kartë, kjo gjë sipas tij do e bëjë më të lehtë kontrollin.

LEXONI GJITHASHTU:

• 1.37 mld euro investime nga jashtë, më shumë kapital nga kompanitë ekzistuese
• Po priste dru për ngrohje, e zë poshtë trungu dhe ndërron jetë 42-vjeçari
• Ku është floriri i Kërrabës?| Protestë para SPAK-ut nga Unioni i Shoqërisë Civile