Macron bisedon me Putin mbi sigurinë bërthamore dhe evakuimin e civilëve

Presidenti francez Emmanuel Macron ka biseduar me homologun e tij rus Vladimir Putin mbi sigurinë bërthamore dhe atë të civilëve ukrainas.

“Ne po përpiqemi të ruajmë integritetin e centraleve bërthamore civile të Ukrainës, përveç kërkesave të tjera që i kemi paraqitur Rusisë: armëpushim dhe mbrojtjen e civilëve”, shkruan Macron në Twitter.

I spoke with President Putin and then with President Zelensky. We are striving to preserve the integrity of Ukraine's civilian nuclear plants, in addition to other priority demands we presented to Russia: a ceasefire and the protection of civilians.

— Emmanuel Macron (@EmmanuelMacron) March 6, 2022

Teksa është shprehur i shqetësuar mbi gjendjen e centralit bërthamor, Putin i është përgjigjur se incidenti ishte “inskenuar nga radikalë të Ukrainës” që jetojnë pranë zonës së centralit, sipas një komunikate.

“Trupat ruse në bashkëpunim me personelin ukrainas vazhdojnë të sigurojnë mbarëvajtjen e centralit bërthamor dhe niveli radioaktivitetit mbetet në parametra normale”, shkruhet në komunikatë mbi atë që ka thënë Putin.

Sipas tij, kjo është konfirmuar edhe nga Agjencia Ndërkombëtare e Energjisë Atomike (IAEA).

Dy krerët e shteteve kanë biseduar edhe mbi evakuimin e popullsisë civile në zonat ku vijojnë përplasjet ushtarake.

Putin ka bërë fajtor Ukrainën me pretendimin se nuk i është “përmbajtur marrëveshjes”.

LEXONI GJITHASHTU:

• Përditësime LIVE 7 mars: Zelensky kërkon sanksione më të ashpra ndaj Rusisë