Major Cengu: 60 persona nën rrënojat e pallatit 8 katësh, kemi dëgjuar zëra

Major Endrit Cengu nga Turqia ka bërë me dije se aktualisht ekipi i kërkim-shpëtimit nga Shqipëria ndodhet në zonën e Malazya ku aktualisht po punojnë për të nxjerr njerëzit nga rrënojat pasi një pallat 8 katësh është shembur.

Në një intervistë për Euronews Albania, ai tha se ndodhen 50-60 persona nën rrënoja ndërsa kanë dëgjuar zëra se ka njerëz të gjallë aty.

“Ndodhemi në zonën e Malazya, ku aktualisht po veprojmë në një objekt që ka qenë 8 katësh. Presupozohet të jenë rreth 50-60 persona të bllokuar nën rrënoja. Kemi 16 orë që po punojmë në këtë objekt. Kemi shenja që ka njerëz të gjallë aty, dhe përkushtimi ka qenë maksimal. Kemi rezultate se ka akoma të gjallë, kemi dëgjuar zëra. Punimet orientohen aty ku mundësia është më e madhe që të nxjerrim njerëz të gjallë.  Po punojmë me ekipet e kërkim shpëtimit të Maltës dhe Turqisë”- tha ai.

LEXONI GJITHASHTU: 

• “Të plagosurit transportohen me anije”- Mjeku zbulon përmasat e tragjedisë në Turqi
• MEPJ-shqiptarëve në Turqi: Telefononi në këta numra nëse jeni në zonat e tërmetit