Makina përplaset me kamionin në Librazhd, 4 të lënduar, mes tyre 2 fëmijë

Një aksident i rëndë ka ndodhur në aksin Librazhd-Prrenjas paraditen e kësaj të hëne. Korrenspodentja e Euronews Albania, bën me dije se një makinë të tipit “Land Rover” është përplasur më një kamion.

Si pasojë e aksidentit kanë mbetur tëë lënduar 4 personat që ndodheshin në mjetin tip “Land Rover”, mes të cilëve dy fëmijë.

Dy ambulanca kanë transportuar në spitalin e Librazhdit të plagosurit, të cilët po marrin kujdesin e nevojshëm mjekësor, jashtë rrezilut për jetën.

Grupi hetimor ndodhet në vendngjarje dhe po punon për përcaktimin e rrethanave të aksidentit

“Mesditën e sotme, në aksin rrugor Librazhd-Prrenjas, në fshatin Qukës, automjeti me drejtues shtetasin R. P. është përplasur me automjetin (kamion) me drejtues shtetasin G. A.

Si pasojë e aksidentit janë dëmtuar 4 shtetas, 2 prej tyre të mitur, të cilët ndodhen në kujdesin e mjekëve, jashtë rrezikut për jetën”, thuhet në njoftimin e policisë.