Mali i Zi pret samitin e liderëve të Ballkanit Perëndimor dhe BE në Kotor

Në Kotorr, mbahet sot samiti i tretë rajonal për Planin e Rritjes për Ballkanin Perëndimor, të organizuar nga kryeministri i Malit të Zi, Milojko Spajiç. Duke bashkuar të gjithë liderët e Ballkanit Perëndimor, samiti i Kotorrit do të funksionalizojë më tej Planin e Rritjes për Ballkanin Perëndimor.

Pas samitit të Tiranës ku u vendos bashkëpunimi për Zonën e vetme të pagesave në euro, korsi të gjelbra/bashkëpunimi doganor, WiFi4WB dhe Qendrat Evropiane të Inovacionit Dixhital, në Kotorr do të identifikohen tre veprime shtesë bazuar në Planin e Rritjes së Komisionit: Marrëveshjet për Vlerësimin dhe Pranimin e Konformitetit. Siguria e furnizimit me ilaçe kritike dhe portofolin e identitetit dixhital të Bashkimit Evropian.

Takimi i liderëve rajonalë do të ndiqet nga Komisioneri Evropian për Fqinjësinë dhe Zgjerimin Oliver Várhelyi dhe Ndihmesi sekretar i Shtetit amerikan për Evropën dhe Euroazinë, James O’Brien. Samiti organizohet nën sloganin “Një rajon, vizion i përbashkët” (One region, common vision).

Përveç liderëve dhe ministrave nga vendet e rajonit, organizatat partnere si Këshilli i Bashkëpunimit Rajonal, Banka Evropiane për Rindërtim dhe Zhvillim, Banka Evropiane e Investimeve, Banka Botërore, Komuniteti i Transportit, Aleanca Atlantike, Komuniteti i Energjisë, Fondacionet e Shoqërisë së Hapur, përfaqësues të lartë të Komisionit Evropian dhe të tjerë.

Një ditë me pare u mbajt një takim i Ministrave të Çështjeve Evropiane dhe Financave të vendeve të Ballkanit Perëndimor, përfaqësuesve të Komisionit Evropian dhe organizatave partnere.

Muajt e fundit në Shkup dhe Tiranë janë zhvilluar takime ministrore dhe samite rajonale të liderëve të Ballkanit Perëndimor. Në këto takime, udhëheqësit dhe ministrat e vendeve të rajonit dhe përfaqësuesit e Bashkimit Evropian dhe Shteteve të Bashkuara diskutuan mbi Planin e Rritjes për Ballkanin Perëndimor, i cili përfshin gjashtë miliardë euro grante dhe kredi për të përshpejtuar afrimin socio-ekonomik me Bashkimin Evropian, pra dy miliardë grante dhe katër miliardë kredi të favorshme të garantuara nga BE.

LEXONI GJITHASHTU:

• FOTO-LAJM| Takim i ftohtë Rama-Kurti në Mal të Zi
• AAK tregon arsyet e refuzimit të takimit me Kurtin