Më një Haaland të dëmtuar, por Manchester City nuk e pati aspak të vështirë të merrte fitoren e radhës.

The cityzens mposhtën në transfertë Evertonin me rezultatin 1-3, në një përballje që nisi më mirë për ekipin vendës. Në minutën e 29’ ishte Harrison që zhbllokoi rezultatin dhe kaloi në avantazh skuadrën e tij dhe dha idenë se do të ishte një ndeshje e vështirë për kampionët në fuqi.

Fraksioni i dytë tregoi një Manchester City më të vendosur dhe të hedhur në sulm. Goli i barazimit do të vinte nga Foden, teksa Alvarez e Silva vulosën fitoren 1-3. Ky ishte 3pikëshi i 11-të për të besuarit e Guardiolës të cilët qëndrojnë në vendin e katërt në tabelë, 5 pikë larg kryesuesve të Liverpool, por me 1 ndeshje më pak.

Edhe Chelsea u rikthye tek fitorja pas zhgënjimit 1 javë më parë, ndërsa mposhti Crystal Palace në Stemford Bridge. Londinezët regjistruan rezultatin 2-1 me golat e Mudryik dhe Madueke, ndërsa për miqtë goli i vetëm erdhi nga Olise. Kjo ishte fitorja e dytë në 5 javë për Pochettino, ndërsa rezultat pozitiv rrëmbeu dhe Wolverhampton që mposhti Brentfordin 1-4.

LEXONI GJITHASHTU:

• Avokati Selimaj: Pse do pranoja të mbroja 3 të akuzuarit për vrasjen e Liridonës
• Broja në qendër të merkatos, cilat janë ekipet në garë për ta marrë