Mandati i Xhaçkës, PS bie dakord me PD: Të shqyrtohet në seancën më të afërt plenare

Deputetja e Partisë Socialiste, Klotilda Bushka ka deklaruar këtë të martë në mbledhjen e Këshillit të Legjislacionit se projekt-vendimi për mandatin e Olta Xhaçkës, do duhet të kalojë për shqyrtim në seancën e ardhshme plenare.

Duke ju referuar vendimit të Gjykatës Kushtetuese, deputetja bëri të ditur se Partia Socialiste është tërhequr nga kërkimi i opinionit në Komisionin e Venecias, duke ja lënë kështu vendimin senacës së ardhsme plenare.

“Ky këshill duhet t’i propozojë kryetares së Kuvendit t’a përfshijë këtë projekt-vendim në rendin e seancës më të afërt. Në lidhje me ktë çështje ne mendojmë që arsytemi i vendimit është vetë vendimi i Gjykatës Kushtetuese.Nuk është vënë ndonjëherë në diskutim kuy vendim. Thënë këtë, sa i takon konkluzioni, propozimi ynë është që projekt-vendimi i Gjykatës Kushtetuese ti kalohet seancës plenare më të afërt në Kuvend.” –deklaroi Bushka.

Kështu, sipas deklaratës së deputetes, në seancën që hap sesionin e ri parlamentar, atë të datës 12 shtator, pasi data 5 do të jetë pushim, pritet të diskutohet vendimi për mandatin e ish-ministres Olta Xhaçka.

LEXONI GJITHASHTU:

• Mblidhet Këshilli i Legjislacionit për mandatin e Xhaçkës, PD paraqet raportin
• Xhaçka: S’kam përfituar asgjë, investimi i bashkëshortit tim 100% privat