Manja i përgjigjet PD për amnistinë: Përfituan vetëm 8 të dënuar për korrupsion

Ministri i Drejtësisë, Ulsi Manja është përgjigjur sot në interpelancë për amnistinë penale me kërkesën e deputetit të Partisë Demokratike, Enkelejd Alibeaj.

Sipas këtij të fundit, mbi 100 të dënuar për korrupsion të dënuar nga GJKKO u amnistuan.

Ministri Manja në fjalën e tij e përgënjeshtroi shifrën e publikuar nga PD dhe tha se nga amnistia përfituan vetëm 8 persona të dënuar nga GJKKO për korrupsion, të cilët janë të gjithë nëpunës të thjeshtë dhe asnjë prej tyre zyrtar i lartë.

“Amnistia është kompetencë e Kuvendit jo e Këshillit të Ministrave apo Ministrave të Drejtësisë. Ministri mban përgjegjësi politike vetëm për draftin që dorëzon, jo për ligjin që miratohet nga Kuvendi. Ata që kanë përfituar me ulje dënimi të dënuar nga GJKKO, për veprat penale shkelje e barazisë në tenderë janë shtetas të zakonshëm ose nëpunës, që do i pasqyroj me emra, janë vetëm 8 dhe asnjë prej tyre nuk është simbol i korrupsionit”, tha Manja, teksa publikoi emrat e 8 personave të vetëm të dënuar për korrupsion që sipas tij përfituan nga amnistia penale.

LEXONI GJITHASHTU:

• Rezoluta e PS, Alibeaj: Synon ndërhyrjen në reformën në drejtësi përmes Parlamentit
• Çollaku: Amnistia, pazar për të liruar të dënuarit për korrupsion