Manjani: Si u mbajt sekret drafti i reformës në drejtësi dhe debatet me ambasadorët

Juristi Ylli Manjani solli më emisionin Now në Euronews Albania disa përjetime të kohës kur në vendin tonë u votua unanimisht reforma në drejtësi 9 vjet më parë dhe ai ishte ministër i Drejtësisë.

Teksa e cilësoi votimin me 140 vota të kësaj reforme si papërgjegjshmërinë më të madhe të parlamentarizmit shqiptar, Manjani tregoi se drafti i kësaj reforme ishte mbajtur i fshehtë edhe nga vetë ai që ishte ministër i Drejtësisë.

“Të gjithë e kanë pasur frikë reformën në drejtësi, por më shumë kanë pasur frikë të mos e votojnë atë reformë. Vendimmarrja e asaj kohe dhe 140 votat e kam quajtur gjithmonë si më të papërgjegjshmen e parlamentarizmit shqiptar. Nuk jam kundër reformave por jo pa e papërtypur dhe jo reformë se e ka thënë dikush dhe hajde ta bëjmë. Më ka ndodhur mua ditën e parë të punës në zyrën e ministrit më thanë të dy Lu dhe Vlahutin; mos e lexo se e kemi parë ne, kërkova një draft, edhe ai ka qenë sekret, edhe për ministrin e Drejtësisë. Nuk duhej debat alternativ, këta e dinin që po të hyhej në debat, kishte alternativa shumë më të mira. Unë kam bërë një draft në atë kohë me Ilir Rusmalin dhe Krenar Lolocin, dy persona shumë të zotë në të drejtën kushtetuese. Drafti ynë ishte me shumë më pak nene dhe që nxiste më shumë konsensus dhe ruante gjuhën kushtetuese”, tha Manjani.

LEXONI GJITHASHTU:

• Manjani: Kodi i Ri Penal është arma e qeverisë për grabitjen e pronës
• Manjani: Ja përse nuk flet Rama për Kodin e ri penal