Marrëveshja me PD, Dule: Liria në intubim, rruga e gjatë por na garanton fitoren  

Kreu Kreu i PBDNJ Vangjel Dule tha se kjo marrëveshja e nënshkruar me PD për të shkuar së bashku në zgjedhjet e 14 majit, nënshkruhet në kushtet ku në vendin tonë, dhe askush nuk mund t’i fshihet këtij realiteti ku demokracia, shteti i së drejtës, të drejtat dhe liritë janë në intubim.

Ai tha se me marrëveshjen e nënshkruar synojnë që komuniteteve lokale t’u sjellim kandidaturat më të denja që do të punojnë për vendin.

Po ashtu ai tha se do të sjellin programe të caktuara që të ofrojnë zgjidhje për problemet apo shqetësimet që kanë qytetarët.

“Me të gjitha risqet që një gjendje e tillë klinike përfshin në organizimin për shtetin dhe demokracinë në vendin tonë.

Rruga është e gjatë, është e vështirë, por na garanton fitore. Ne me këtë marrëveshje synojmë që komuniteteve lokale t’u sjellim kandidaturat më të denja që do të punojnë për komunitetin dhe që janë zgjedhje e komunitetit. Primaret në këtë drejtim që solli PD ishin një risi dhe një realitet tashmë i pakthyeshëm që do të shënojë aktivitetin e çdo force politike që realisht do të ruajë kontaktin me qytetarin dhe komunitetin.

Së dyti, ne do të sjellim programe konkrete, dhe jo të përgjithshme për cdo komunitet, programe të cilat do të ofrojnë zgjidhje për shqetësimet, problematikat dhe problemet lokale.

Dhe së treti, nuk mund t’i shmanget karakterit referendar zgjedhjet e 2014. Bashkëpunimi ynë, me të gjitha forcat e tjera opozitare, me të gjithë politikanët dhe aktivistët që realisht kërkojnë demokraci dhe të drejta në vendin tonë.

Do të sjellim në 14 maj në çdo derë të shoqërisë së vendit mesazhin se ata mund të ndryshojnë fatin e tyre të jetës së tyre, të ardhmen e familjeve të tyre”- deklaroi ai.

LEXONI GJITHASHTU: 

• Berisha: McGonigal mund të dënohet 80-vite, aq meriton dhe Rama
• Eksperëtët dorëzojnë në qeveri studimin e fizibilitetit në mbrojtje të Vjosës