“Marsi, muaj i mbarë për martesa”, Astrologu: Çiftet e këtyre datave nuk ndahen

Astrologu Jorgo Pulla ishte këtë të hënë në Euronews Albania  për të bërë parashikimin se si do të jetë muaji mars për 12 shenjat e horoskopit.

Ai tha se Marsi do të jetë një muaj i mbarë për të gjitha shenjat, e madje ai tha se ky muaj do të  jetë një muaj shumë i mirë për të kurorëzuar dashurinë.

Pulla dha madje edhe disa data të cilat do u sjellin fat çifteve nëse martohen. Ai tha se përveç martesave do ketë edhe një përmirësim të marrëdhënies për çiftet e vjetra.

“Kemi datën  5 dhe 6 mars, ku Hëna në Bricjap do të formojë një 6 këndësh me diellin te Peshqit. Dielli dhe Hëna do të formojnë trekëndëshi pozitive me Saturnin dhe me Jupiterin. Kemi datën 10 ku kemi hënën  e re, ku kemi martesa fejesa, martesa të papritura.

Kemi datën 14 mars, ditën e verës, ku Hëna është në Dem, ata që kanë  pasur probleme me shtatzëni, mund të kenë fat në këtë ditë. Kemi datën 19 mars, ku kemi hënën në Gaforre, kjo datë thotë unë jam këtu dhe fati më do. Lidhjet e vjetra në këtë datë kanë momentin e duhur. Në datën 25 do kemi ndikimin e eklipsit të hënës, ky eklips do ndihmojë për takime të rëndësishme”,-tha Jorgo Pulla.

LEXONI GJITHASHTU:

• “2024 është viti i shegës”, astrologu: Na plotëson mungesat ushqimore
• Parashikimi i astrologut/ Kush nga kandidatët e PD-së do të garojë përballë Veliajt