Mashtrimi me vizat amerikane, gjykata lë në burg 5 të arrestuarit

Gjykata vendosi të lërë në burg shtetasit Renato Naston, Klaudio Leçinin, Klaus Kapedanin dhe Xhemal Seserin, të akuzuar për skemën e mashtrimit me vizat amerikane pre e të cilës  kishin rënë shumë persona.

Gjithashtu, gjykata la në masën e sigurimit arrest shtëpie për shtetasen Klea Prifti

“Gjykata e Shkallës së Parë të Juridiksionit të Përgjithshëm Tiranë, Dhoma Penale, ka caktuar masat e sigurimit në mungesë për 5 personat e dyshuar për veprat penale të “Mashtrimi”, dhe “Falsifikimi i vulave stampave etj…”, parashikuar nga nenet 143/2 dhe 190/2 të Kodit Penal, të cilët nga veprimet hetimore të zhvilluara nën drejtimin dhe kontrollin e Gjyqtares për Hetimin Paraprak, ka rezultuar që në këmbim pagesave dhe interesave të caktuara mashtronin dhe falsifikonin të dhëna, me qëllim premtimin për pajisjen me viza amerikane”, thuhet në njoftimin e gjykatës.

Renato Nasto është i dyshuari kryesor i cili përmes Instagramit, ku kishte krijuar një faqe me emrin “Viza amerikane insider”, reklamonte aktivitetin e tij të paligjshëm.

Ai gjente klientët dhe pastaj niste procedurat për aplikimin e vizave.

Disa nga personat e përfshirë në këtë skemë mashtrimi kanë plotësuar formularët me të dhëna të rreme.

LEXONI GJITHASHTU:

• Si funksiononte skema e mashtrimit me vizat amerikane, kush është i riu që e drejtoi
• Rritet tarifa për vizat Shengen, 12% më shtrenjtë