Matjet finale të Barometrit/ Mavros: Si ka ndryshuar fuqia e partive të vogla

Presidenti i MRB, Dimitris Mavros ka komentuar matjet finale të Barometri në Euronews Albania para zgjedhjeve të 11 majit.

Ai tha se pas 12 vitesh të gjithë aktorët politik kërkojnë pushtet, por nuk dihet se sa fuqi kanë partitë e vogla për të arritur te votuesit, jashtë Tiranës, pasi sipas profesor Mavros edhe forca më e madhe opozitare shpesh shprehet se nuk ka aq burime sa ka Partia Socialiste.

“Ne nuk e dimë cila është fuqia e infrastrukturës së partive të vogla jashtë Tiranës, nëse kanë fuqinë për të patur një rrjet të tyrin për të ndihmuar deputetët e tyre të mundshëm për të garuar në fushatë. Dëgjojmë edhe për Partinë Demokratike që ajo nuk e ka të njëjtën fuqi me Partinë Socialiste. Zoti Rama është gati perandor.

Është diçka e pritshme që pas kaq shumë vitesh, njerëzit, pas 12 vitesh në pushtet të gjithë në Shqipëri kanë gjetur një rrugë drejt pushtetit dhe qeverisë për të treguar problemet e tyre. A janë të gjithë të gatshëm për të ndryshuar estabilshmentin e për të nisur diçka nga e para? Këtë nuk e dimë”,-tha profesor Mavros.

LEXONI GJITHASHTU:

• Flogert Muça: Pas 12 vitesh Rama ende i pari në pëlqyeshmëri, doktori…
• Prirja e votës, projeksioni dhe shpërndarja e mandateve në Qarkun e Tiranës