“Mazhoranca me standard të dyfishtë”, Hajdari: Hiqini mandatin Xhaçkës

Ish-deputetja e PD, Rudina Hajdari tha në “Now me Erla Mëhillin” se mazhoranca po vepron me standard të dyfishtë lidhur me mandatin e Olta Xhaçkës.

Ajo tha se Mazhoranca duhert të jetë e para që respekton në mënyrë absolute vendimin e Gjykatës Kushtetuese, e s’ka përse të marrë mendim nga Komisioni i Venencias për këtë çështje.

“Duket sikur është një standard i dyfishtë nga mazhoranca e cila në momentin që trumbeton drejtësinë e re dhe flet për drejtësinë e re, për të respektuar organet e drejtësisë, në të njëjtën kohë është duke e cënuar drejtësinë duke mos e respektuar gjykatën kushtetuese në këtë rast.

Ky standard i dyfishtë është problematik sepse tregon se nuk janë serioz me organet e drejtësisë në momentin që atyre nuk i konvenion një gjë e tillë. Pikërisht kjo na shqetëson dhe nëse ne do kemi një shtet normal dhe një drejtësi e re e një shtet që pretendon të futet në BE, të gjitha këto tregojnë se ne duhet të jemi drejt një rrugë ku më së paku mazhoranca duhet të respektojë në mënyrë absolute Gjykatën Kushtetuese”,-tha Rudina Hajdari.

LEXONI GJITHASHTU:

• Lufta në Gaza| Izraeli urdhëron civilët palestinezë të largohen
• Rashiq ngre çështjen e bashkëjetesës në mbledhjen e Qeverisë së Kosovës