Seanca e radhës për gjyqin ndaj Fredi Belerit, u zhvillua këtë të martë në orën 15:00.

Në ambientet e jashtme përballë Prokurorisë së Posaçme u paraqitën mbështetës të shumtë të kryebashkiakut të zgjedhur të Himarës.

Gjithashtu në GJKKO ndodheshin dhe tre media greke të cilat ndoqën nga afër procesin.

Beleri është marrë i pandehur nga SPAK për korrupsion në zgjedhje. Megjithëse ai ka kërkuar leje të posaçme për t’u betuar në Këshillin Bashkiak, gjykata ia ka refuzuar disa herë, madje dhe Gjykata e Lartë, e cila e ka rikthyer kërkesën në GJKKO.

Ai u arrestua në ambientet e një lokali në Himarë, vetëm 2 ditë para zgjedhjeve lokale të 14 majit.

Beleri së bashku me bashkëpunëtorin e fushatës elektorale Pandeli Kokaveshi akuzohen për veprën penale të shit-blerjes së votave.

Seanca e kësaj të marte ishte e 5-ta që mbahet në GJKKO për kryebashkiakun e zgjedhur të Himarës.

Ndërkohë krahas gjykimit në themel, më 11 dhjetor Gjykata e Posaçme vendos nëse Fedi Belerit do t’i jepet leja për tu betuar.

LEXONI GJITHASHTU:

• Leja për betim, zbardhet vendimi i Gjykatës së Lartë për Belerin
• Përplasje në sallë, shtyhet gjyqi për Belerin, mediat greke në GJKKO