Mbahet seanca në Apel për Safet Gjicin, SPAK kërkon dënimin dhe për korrupsion

Prokuroria e Posaçme nuk heq dorë nga kërkesa për të dënuar Safet Gjicini për akuzën e “Korrupsionit” dhe “Shpërdorimit të detyrës”.

Në senacën e sotme në gjykatën e posaçme të Apelit prokurorja ka kërkuar dënimin e tij me 4 vite e 6 muaj burg dhe për Alma Kaçin 1 vit e 5 muaj burg mbi akuzën e korrupsionit aktiv.

Të dy përfitojnë uljen e 1/3 së dënimit për shkak të gjykimit të shkurtuar.

Prokurori nuk ishte dakort me ndryshimin e akuzës dhe uljen e dënimit që u bë nga Gjykata e Shkallës së Parë.

Avokati i Safet Gjicit kërkoi pafajësi. Alma Kaçi nuk u paraqit as në këtë seancë, gjithashtu as avokatja e saj mbrojtëse. Në këto kushte gjykata caktoi avokatin kryesisht, Arben Peci i cili kërkoi pafajësi. Vendimi do të jepet më 24 Qershor ora 14:00.

Safet Gjici u dënua më datë 7 shkurt të këtij viti nga shkalla e parë me 3 vite burg, në aplikim të gjykimit të shkurtuar dënimi i konvertohet në 2 vite, nën akuzën e “shpërdorimit të detyrës”.

Përveç dënimit, Gjykata e Posaçme Antikorrupsion i hoqi Gjicit të drejtën për të ushtruar funksione publike për 5 vite.

Ndërsa për Alma Kaçin, gjykata vendosi dënim me 1 vit e 6 muaj, me gjykim të shkurtuar dënimi zbriti në 1 vit heqje lirie. Ndaj kësaj të fundit u ngrit akuza e “Prostitucionit”.

LEXONI GJITHASHTU:

• Kalon për gjykim dosja e Safet Gjicit, GJKKO pranon gjykimin e shkurtuar
• Përfundojnë hetimet, SPAK çon në Gjykatë Safet Gjicin dhe Alma Kaçi