Mbahet sot ceremonia e varrimit në nder të 59 viktimave në Maqedoninë e Veriut

Në Koçan të Maqedonisë së Veriut në një hapësirë të veçantë pranë varrezave të qytetit janë hapur varre masive për viktimat nga tragjedia e 16 marsit.

Varrimi i 59 viktimave të kësaj tragjedie do të bëhet këtë të enjte, teksa në ceremoninë e varrimit pritet të marrin pjesë qytetarë dhe përfaqësues të institucioneve.

Qeveria e Maqedonisë së Veriut ka urdhëruar institucionet shtetërore dhe ka rekomanduar që pushteti lokal dhe kompanitë private nga Koçani t’i lirojnë punëtorët e tyre sot nga detyrimet e punës.

Ky është një nga konkluzionet e arritura në seancën e mbrëmshme të qeverisë, bëri të ditur mbrëmë zëdhënësja Marija Miteva.

“Detyrohen institucionet shtetërore dhe rekomandohet që pushteti vendor dhe punëdhënësit e sektorit privat të lirojnë të gjithë punonjësit në zonën e Koçanit nga detyrat e punës dhe të punës, si dhe institucionet shëndetësore, arsimore dhe të kujdesit për fëmijët, domethënë kopshtet, të organizojnë ofrimin e shërbimeve sipas nevojave Zjarrfikësja është e obliguar të ndërmarrë masa dhe aktivitete sipas kompetencave të veta”, tha Miteva.

Më 16 mars, ka ndodhur incidenti tragjik rreth orës 3 të mëngjesit, kur një shpërthim zjarri ka përfshirë diskotekën Pulse, pas përdorimit të mjeteve piroteknike me 59 humbje jete dhe të një numër i lartë të plagosurish.

LEXONI GJITHASHTU:

• Pamje të reja nga tragjedia në Koçan, të rinjtë ikin duke u shtyrë për të shpëtuar
• Protestë në Shkup, qindra qytetarë ndezën qirinj për viktimat e tragjedisë në Koçan