Mbi 2500 Euro një çantë Prada! Ja sa shqiptarë e blejnë sipas Arlinda Dudaj…

Një video në YouTube që tregon detaje kundër blerjes së markave të shtrenjta është bërë virale.

Cara Nicole, një YouTuber që krijon kontent për paratë, median dhe stilin e jetesës, ndau mendimet e saj se si markat e shtrenjta luksoze synojnë të varfrit dhe jo të pasurit.

Botuesja Arlinda Dudaj tha në emisionin GoodMorning Albanians në Euronews Albania se mania e markave i bën njerëzit të dalin shpesh nga mundësitë. Sipas saj, shtrenjtimi i markave është një tendencë që vjen në rritje.

“Një çantë Prada deri para 20 vitesh në Shqipëri mund ta blinin shumë pak njerëz, 0,001 për qind. Tani në këtë moment është rritur paksa po sa më shumë që rritet aq më shumë largohet. Nëse dikur një çantë kushtonte 400 euro, ishte e mundur për shumë pak njerëz gjithsesi, dje 1500 euro, tani është mbi 2500 euro, sa njerëz mund ta blejnë? Objektet luksit janë rritur me 50 deri 100 për qind”, tha Dudaj.

LEXONI GJITHASHTU:

• “Markat e famshme po ju bëjnë të varfër” – Fushata virale ‘kundër’ stilistëve
• Arlinda Dudaj: Kam një pallto që e vesh prej 20 vitesh